Көкшоқы (тау)

Көкшоқы – Айтау тауларының солтүстік-батысындағы тау.

Көкшоқы тауы
Сипаттамасы
Тау жүйесі	Айтау таулары
Пайда болған кезеңі	каледон-герциндік
Ұзындығы	3 км
Ені	1,5 км
Биіктігі	824 м
Орналасуы
Елдер	Қазақстан, Жамбыл облысы Шу ауданы

Географиялық орны

Жамбыл облысы Шу ауданы Хантау кентінің оңтүстік-шығысында 38 км жерде орналасқан. Шу өзені аңғарында. Абсолюттік биіктігі 824 м. Солтүстік-батыстан оңтүстік-шығысқа қарай 3 км-ге созылып жатыр, енді жері 1,5 км.

Жер бедері

Беткейі көлбеу, бірнеше ұсақ шоқылардан тұрады. Батысынан Үлкен Жиделі өзенінің саласы бастау алады.

Геологиялық құрылымы

Тау каледон-герциндік тау түзілу процесінде қалыптасқан. Палеозойдың гнейстерінен, кристалды тақтатастан, каледондық граниттен түзілген.

Өсімдігі

Таудың саздақты бозғылт топырағында жусан бітік өседі. Кейбір жерлерінде ши шоғырлары кездеседі.^[1]

Дереккөздер

1. Қазақ энциклопедиясы